უცხოეთი
სირიაში მომწამვლელი ავიაბომბების ნაწილი გაანადგურეს
საქართველო, 7 ოქტომბერი, საქინფორმი. ქიმიური იარაღის ამკრძალავი ორგანიზაციის ექსპერტების ხელმძღვანელობით სირიელებმა კვირას ქიმიური იარაღის არსენალის ნაწილი გაანადგურეს, – იუწყება გაეროს პრესსამსახური.
„სირიელმა სპეციალისტებმა, გაზის საჭრელების და კუთხოვანი სახეხი მანქანების გამოყენებით, საბრძოლო მასალის ნაწილის დეაქტივაცია მოახდინეს და გაანადგურეს, მათ შორის ქობინები, ავიაბომბები და მოწყობილობა შერევისა და ავსებისათვის“, – ნათქვამია განცხადებაში.
იქვე ხაზგასმულია, აგრეთვე, რომ არსენალის განადგურების პროცესი მომდევნო დღეებში გაგრძელდება.
