საქართველო, 4 ოქტომბერი, საქინფორმი. საქართველოს პრეზიდენტის ადმინისტრაციის დაკვეთით ამერიკულმა კვლევითმა კომპანიამ „გრინბერგ, ქუინლან, როზნერ რისერჩმა“ (Greenberg, Quinlan, Rosner Research) ჩაატარა საზოგადოებრივი აზრის კვლევა. პრეზიდენტის პრესსამსახურის ცნობით, ინტერვიუები ჩატარდა 2013 წლის 15-21 სექტემბერს საქართველოს მთელ ტერიტორიაზე და მოიცავდა 1,204 პირისპირ ინტერვიუს. კვლევის ცდომილების ხარისხი შეადგენს +/-2-3 პროცენტს.

კვლევის თანახმად, გამოკითხულთა 50% მიიჩნევს, რომ მთავრობამ ვერ გაამართლა მათი მოლოდინები, ხოლო 38% მიიჩნევს, რომ პირიქით, გადააჭარბა ან გაამართლა მისი მოლოდინი.

კითხვაზე: ემხრობით თუ არ ემხრობით ბოლო კვირების და თვეების განმავლობაში პრემიერ-მინისტრ ივანიშვილის მიერ განხორციელებულ საქმიანობას? (კამპანიის დანაპირებების შესრულებასთან მიმართებით) - გამოკითხულთა 60% პასუხობს, რომ არ ემხრობა, 33% კი დანაპირებების შესრულებით კმაყოფილია.