პოლიტიკა
წილისყრის შედეგად საპრეზიდენტო კანდიდატ ნინო ბურჯანაძეს წილად ხვდა ნომერი „14“
საქართველო, 3 ოქტომბერი, საქინფორმი. 30 სექტემბერს ქუთაისის საარჩევნო შტაბის ოფისში შედგა ნინო ბურჯანაძის ნდობით აღჭურვილ პირთა დარბაზის დაფუძნება.ნდობით აღჭურვილ პირთა დარბაზის მიზნები და ამოცანები აუდიტორიას აკაკი წერეთლის სახელმწიფო უნივერსიტეტის სრულმა პროფესორმა ომარ კიკვიძემ გააცნო.
ნინო ბურჯანაძის ნდობით აღჭურვილ პირთა ქუთაისის დარბაზის შექმნის იდეა “დემოკრატიული მოძრაბა – ერთიანი საქართველოს” და “სახალხო კრების” ქუთაისის ორგანიზაციების მხარდამჭერთა შორის გაჩნდა და ამის შესახებ ამ მოძრაობის ერთ-ერთმა წევრმა ქეთევან იობიძემ ისაუბრა.
ნინო ბურჯანაძის ნდობით აღჭურვილ პირთა ქუთაისის დარბაზისა და საარჩევნო შტაბის მომავალი თანამშრომლობის გეგმები პრეზიდენტობის კანდიდატ ნინო ბურჯანაძის ქუთაისის საარჩევნო შტაბის უფროსმა ივლიანე ნაჭყებიამ წარმოადგინა.
