უცხოეთი
მადურომ მხარი დაუჭირა პუტინის წარდგენას ნობელის მშვიდობის პრემიაზე
საქართველო, 2 ოქტომბერი, საქინფორმი. ვენესუელას ხელმძღვანელმა ნიკოლას მადურომ ნობელის მშვიდობის პრემიაზე რუსეთის პრეზიდენტ ვლადიმერ პუტინის წარდგენის ინიციატივას მხარი დაუჭირა და აღნიშნა, რომ მისმა ქმედებებმა მსოფლიო სირიაში ომისგან იხსნა.
„თუკი ვინმე ამ ისტორიულ მომენტში კიდეც იმსახურებს მშვიდობის დარგში ნობელის პრემიას, ეს პრეზიდენტი ვლადიმერ პუტინია, რომელმაც შეაჩერა ომი, სირიელ ხალხს რომ ემუქრებოდა“, - განაცხადა მადურომ.
ამ კვირას ვენესუელის პარლამენტის ხელმძღვანელი დიოსადო კაბელიო ოფიციალური ვიზიტით მოსკოვს ეწვევა და რუსეთის ლიდერს გადასცემს წერილს, სადაც მას „ომის გარეშე ახალი მსოფლიოს შენებაში მისი როლის შესრულებას ულოცავენ“.
