საქართველო, 27 სექტემბერი, საქინფორმი. ამერიკის ეროვნულ-დემოკრატიული ინსტიტუტი (NDI) საზოგადოებრივი აზრის მორიგი კვლევის შედეგებს აქვეყნებს. NDI-ის კვლევის საველე სამუშაოები 18 აგვისტოდან 3 სექტემბრის პერიოდში, საქართველოს მასშტაბით 3,838 პირისპირ ინტერვიუს წარმომადგელობითი შერჩევის საფუძველზე ჩატარდა. კვლევის შედეგების ცდომილება ორ პროცენტს არ აღემატება.

გამოკითხვის თანახმად, მინისტრების საქმიანობის შეფასების რეიტინგში თავდაცვის მინისტრი ირაკლი ალასანია ლიდერობს. ალასანიას საქმიანობას 11% - ძალიან კარგად, 38% - კარგად , ხოლო 7% საშუალოდ აფასებს. შს მინისტრ ირაკლი ღარიბაშვილის საქმიანობას 9% - ძალიან კარგად, 34% - კარგად, საშუალოდ კი 39% აფასებს. იუსტიციის მინისტრ თეა წულუკიანის საქმიანობას 10% - ძალიან კარგად, 33% - კარგად, ხოლო 36% საშუალოდ აფასებს.

ჩატარებული კვლევის მიხედვით, სახელმწიფო უწყებებს შორის მოსახლეობაში ყველაზე მაღალი ნდობით ქართული ჯარი სარგებლობს. რესპონდენტთა 12% ჯარის საქმიანობას ძალიან კარგად, 46% – კარგად, 29% – საშუალოდ, 2% კი ცუდად აფასებს.