საქართველო, 19 სექტემბერი, საქინფორმი. სირიის ხელისუფლებამ რუსეთს გადასცა მტკიცებულებები იმისა, რომ  21 აგვისტოს ზარინის გამოყენებით ქიმიური იერიში მეამბოხეებმა განახორციელეს. ამის შესახებ რუსეთის საგარეო საქმეთა უწყების ხელმძღვანელმა სერგეი ლავროვმა განაცხადა, რომელიც წინა დღეს სირიის პრეზიდენტ ბაშარ ასადს შეხვდა.

ლავროვის თქმით, მტკიცებულებებს თვითონ ჯერ არ გაცნობია, თუმცა ისინი გაეროს უსაფრთხოების საბჭოს წარედგინება.

შეგახსენებთ, რომ 16 სექტემბერს გამოქვეყნებული საერთაშორისო საექსპერტო კომისიის დასკვნით, 21 აგვისტოს დამასკოს გარეუბანში ზარინი იქნა გამოყენებული. ექსპერტების კომპეტენციაში იმთავითვე არ შედიოდა იმის დადგენა, თუ ვინ იდგა ქიმიური იერიშის უკან: ასადის რეჟიმი თუ მეამბოხეები.