აქტუალური
დღეს საქართველოში მიწისძვრა მოხდა
საქართველო, 17 სექტემბერი, საქინფორმი. დღეს დილით, 08:09 საათზე, აღმოსავლეთ საქართველოში 5,3 მაგნიტუდის მიწისძვრა მოხდა, რომლის ეპიცენტრი ყვარელი იყო.
ყვარლის რაიონის გამგებლის დავით ქევხიშვილის განცხადებით, „საბედნიეროდ, მიწისძვრას სერიოზული ნგრევა არ მოჰყოლია. მხოლოდ რამდენიმე შემთხვევაში დაზიანდა სახლის სახურავი".
მისივე განმარტებით, რაიონში არსებული ვითარების შესახებ ზუსტი ინფორმაცია მოგვიანებით გახდება ცნობილი. კახეთის რეგიონში მიწისძვრის შედეგებს სპეციალური ჯგუფები შეისწავლიან, რომლებიც უკვე გადიან სოფლებში.
