აქტუალური
თავდაცვის მინისტრის პასუხი ჟურნალისტების კითხვებზე
საქართველო, 10 საქტემბერი, საქინფორმი. ჟურნალისტების დასმულ კითხვაზე იმის შესახებ, რომ ახალი ხელისუფლების პირობებში ხდება თანამედროვე სამხედრო ტექნიკის რუსული ტექნიკით ჩანაცვლება და ქართული შეიარაღებული ძალების შესუსტება, თავდაცვის მინისტრმა ირაკლი ალასანიამ განაცხადა:
„ეს სინამდვილეს არ შეეფერება. ჩვენ ვავითარებთ ჩვენი თავდაცვის შესაძლებლობებს და დარწმუნებული იყოს როგორც პრეზიდენტი, ასევე თითოეული მოქალაქე, რომ ჩვენი ამოცანაა, გავხადოთ უფრო თანამედროვე ჩვენი შეიარაღება და ტექნიკა, მათ შორის საფრენი აპარატები“.
საქართველოს თავდაცვის მინისტრმა ჟურნალისტების შეკითხვებს გუშინ, ავიაშოუზე ყოფნისას უპასუხა.
