აქტუალური
სტიქიამ დასავლეთ საქართველოს 3 მილიონი ლარის ზარალი მიაყენა
საქართველო, 6 სექტემბერი, საქინფორმი. წინასწარი მონაცემებით, 4-5 სექტემბერს სტიქიამ დასავლეთ საქართველოს 3 მილიონი ლარის ზარალი მიაყენა, - ამის შესახებ დღევანდელ პრესკონფერენციაზე საქართველოს რეგიონული განვითარებისა და ინფრასტრუქტურის მინისტრის მოადგილე შოთა მურღულიამ განაცხადა და განმარტა, რომ ზარალის დამთვლელი კომისია ზარალის ზუსტ ოდენობას 4 დღეში იქნება დაადგენს.
„4-5 სექტემბერის სტიქიის შედეგად, ზიანი მიადგა ქალაქ ბათუმს, ქედასა და ქობულეთის მესტიისა და ლენტეხის მუნიციპალიტეტებში ფიქსირდება ზიანი, რაც, ასევე, უხვი ნალექისა და მეწყერსაშიში ზონების გააქტიურებით არის გამოწვეული.ზემოაღნიშნულ მუნიციპალიტეტებში შექმნილია ზიანის დამთვლელი კომისიები, რომლებიც 24-საათიან რეჟიმში მუშაობენ და ინფორმაციას საქართველოს რეგიონული განვითარებისა და ინფრასტრუქტურის სამინისტროს აწვდიან. ჩვენი მხრიდან ოპერატიულად მოხდება ფინანსთა სამინისტროში ინფორმაციის გადაგზავნა და მთავრობის მიერ ცენტრალური ბიუჯეტიდან თანხის გამოყოფის შესახებ შუამდგომლობა", - ნათქვამია სამინისტროს მიერ გავრცელებულ განცხადებაში.
