საქართველო, 3 სექტემბერი, საქინფორმი. ექსკლუზიურ ინტერვიუში სირიის პრეზიდენტი ბაშარ ასადი აცხადებს, რომ ნებისმიერი სამხედრო ინტერვენცია დასავლეთის მხრიდან შედეგად „რეგიონულ ომს“ გამოიწვევს და „ზიანს მიაყენებს საფრანგეთის ინტერესებს“, - წერს საააგენტო The Telegraph.

ფრანგული გაზეთისთვის მიცემულ ინტერვიუში სირიის ლიდერმა დასავლეთისგან იმის „უმცირესი მტკიცებულება“ მოითხოვა, რომ მან 21 აგვისტოს საკუთარი ხალხის წინააღმდეგ ქიმიური იარაღი გამოიყენა.

„ვინც ბრალს გვდებს, მტკიცებულებებიც უნდა წარმოადგინოს. გვინდა, რომ აშშ-მა და საფრანგეთმა მტკიცებულებები წარმოგვიდგინონ. ობამასა და ოლანდს ამის გაკეთება არ შეუძლიათ“, - განაცხადა ასადმა.