საქართველო, 30 აგვისტო, საქინფორმი. რუსეთ-საქართველოს ურთიერთობას დაძაბულად სულ რუსების 22 პროცენტი მიიჩნევს, ასეთსავე შეფასებას 7 წლის წინ რეპონდენტთა 39 პროცენტი აკეთებდა. ამას მოწმობს რუსეთის საზოგადოებრივი აზრის შემსწავლელი  ცენტრის (ВЦИОМ) გამოკითხვის შედეგები, რომლებიც  ხუთშაბათს გამოქვეყნდა.

თუმცა იმ გამოკითხულთა პროცენტული მაჩვენებელი, რომლებიც რუსეთ-საქართველოს ურთიერთობას სრულებით დადებითად მიიჩნევენ,  უწინდებურად დაბალია. რესპონდენტთა 2 პროცენტი მათ „მეგობრულს“, ხოლო 4% – „კეთილმეზობლურს“ უწოდებს.

რესპონდენტები აღნიშნავენ, რომ რუსეთის მდგომარეობა სამხრეთ ოსეთში 2008 წელს განვითარებული მოვლენების შემდეგ უფრო გაუმჯობესდა (21%), ვიდრე გაუარესდა (15%). ამასთან, გამოკითხულთა უმრავლესობა (52%) მიიჩნევს, რომ ურთიერთობა არ შეცვლილა.

აღსანიშნავია, რომ 2008 წლის სექტემბერს რუსებს არ ჰქონდათ ერთგვაროვანი აზრი იმაზე, თუ როგორ იმოქმედებდა სამხრეთ ოსეთის მოვლენები რუსეთის მდგომარეობაზე საერთაშორისო არენაზე, თუმცა მათი რიცხვი, ვინც ნეგატიურ პროგნოზებს (29% ) აკეთებდა, ოპტიმისტ რესპონდენტთა რიცხვს (23%) სჭარბობდა.