აქტუალური
საქართველო, 26 აგვისტო, საქინფორმი. "ქართული ოცნების" დაკვეთით ჩატარებული კვლევის თანახმად, რომელიც საკვლევ-საკონსულტაციო ცენტრმა "ფსიქოპროექტმა" ჩაატარა, გამოკითხულთა 21%–ის აზრით, საპრეზიდენტო არჩევნები სრულიად სამართლიანად ჩატარდება.
კითხვაზე, რამდენად სამართლიანად ჩატარდება საპრეზიდენტო არჩევნები, გამოკითხულთა 39%–მა უპასუხა, რომ სამართლიანად ჩატარდება, 23% ფიქრობს, რომ მეტ-ნაკლებად სამართლიანად, ხოლო 4%-ის აზრით – უსამართლოდ. ამასთან, კვლევისას კითხვაზე – რამდენად კმაყოფილი ხართ ბიძინა ივანიშვილის საქმიანობით – პასუხები ასე გადანაწილდა: 35%-ს მოსწონს, 17%-ის პასუხია – ძალიან მომწონს, 31%-ის დამოკიდებულება ნეიტრალურია, 9% აცხადებს, რომ პრემიერის საქმიანობა არ მოსწონს, 4%-ს კი ძალიან არ მოსწონს. კითხვაზე პასუხის გაცემა უჭირს 5%-ს.