საზოგადოება
გიორგი კალანდაძე: „ჩემი მოთხოვნაა, ალასანიამ და წულუკიანმა საჯაროდ მოიხადონ ბოდიში“
საქართველო, 26 აგვისტო, საქინფორმი. გაერთიანებული შტაბის ყოფილი უფროსი გიორგი კალანდაძე იუსტიციის მინისტრ თეა წულუკიანისა და თავდაცვის მინისტრ ირაკლი ალასანიასგან საჯაროდ ბოდიშის მოხდას ითხოვს, რის თაობაზეც თბილისის საქალაქო სასამართლოში სარჩელი უკვე შეიტანა.
“ჩემი ძირითადი მოთხოვნაა, ალასანიამ და წულუკიანმა საჯაროდ მოიხადონ ბოდიში, რადგან მათ ყველანაირად ეცადნენ სასამართლოზე ზეგავლენა მოეხდინათ. ისინი უსაფუძვლო ინფორმაციას ავრცელებდნენ, თითქოს მე მივიტაცე 500 ათასი ლარი და მე მოწმეებზე ვახორციელებდი ზეწოლას სამეგრელოს რეგიონში, ეს ტყუილია”, – განაცხადა გიორგი კალანდაძემ.
საქინფორმის მკითხველს შევახსენებთ, რომ საქართველოს შეიარაღებული ძალების გაერთიანებული შტაბის ყოფილი უფროსი, გენერალი გიორგი კალანდაძე გასული წლის 7 ნოემბერს დააკავეს. მას ბრალად სამხედროების მიმართ არაადამიანური მოპყრობა ედებოდა, თუმცა სასამართლომ ის უდანაშაულოდ ცნო.
