აქტუალური
ირაკლი ალასანია - ამერიკის ეროვნული გვარდიის ბიუროში: „ორი ქვეყნის გვარდიებს შორის თანამშრომლობის გაღრმავება გრძელდება“
საქართველო, 23 აგვისტო, საქინფორმი. საქართველოს თავდაცვის მინისტრი ამერიკაში ეროვნული გვარდიის ბიუროს ეწვია. ირაკლი ალასანია აშშ-ის ეროვნული გვარდიის ბიუროს ხელმძღვანელს გენერალ ფრანკ გრასს შეხვდა.
შეხვედრაზე ყურადღება გაამახვილეს სახელმწიფო პარტნიორობის პროგრამის მნიშვნელობაზე, რომელიც მიზნად ისახავს ორი ქვეყნის გვარდიებს შორის თანამშრომლობის გაღრმავებას. თანამშრომლობის ფარგლებში 2010 წლიდან ყოველწლიურად ტარდება ერთობლივი სწავლება "Shared Horizon". სწავლების მიზანი ეროვნული რეაგირების გეგმის მიხედვით ბუნებრივი კატაკლიზმების დროს უწყებათაშორისი ერთიანი რეაგირების მექანიზმების შემუშავებაა, რაც ხელს უწყობს საქართველოს ეროვნული გვარდიის შესაძლებლობების განვითარებას.
მხარეები სამომავლო თანამშრომლობაზე შეთანხმდნენ.
