ერთობლივი სწავლება ეროვნულ სასწავლო ცენტრ ”კრწანისში”: მიზანი - ბატალიონის ნატოს ოპერაციებში მონაწილეობისთვის მომზადება
საქართველო, 23 აგვისტო,
საქინფორმი. მე-12 ბატალიონის სამხედროებმა მოწინავე მეთვალთვალეებისა და 60 მმ-იანი ნაღმმტყორცნების ერთობლივი სწავლება გაიარეს. წვრთნის პირველი ნაწილი ერთი თვის განმავლობაში ეროვნულ სასწავლო ცენტრ
”კრწანისში” მიმდინარეობდა. დღეს სწავლების დასკვნითი ეტაპი გაიმართა, რომელშიც მე-12 ბატალიონის
„ალფა“ ასეული მონაწილეობდა.
წვრთნის შემდეგი ეტაპი ნოემბრამდე გაგრძელდება. სწავლება ნატოს ოპერატიული თავსებადობის და შესაძლებლობების შეფასების პროგრამის ფარგლებში ხორციელდება. მისი მიზანი ბატალიონის ნატოს ოპერაციებში მონაწილეობისთვის მომზადებაა.