უცხოეთი
სომხეთი სირიაში ომს ყარაბაღის ოკუპაციის განსამტკიცებლად იყენებს - აზერბაიჯანის საგარეო საქმეთა სამინისტრო

1-armenia-ucxსაქართველო, 22 აგვისტო, საქინფორმი. სომხეთი ცეცხლის რეჟიმის გამოყენების შეწყვეტით აზერბაიჯანის ოკუპირებული ტერიტორიების დემოგრაფიული, კულტურული და ფიზიკური ხასიათის უკანონო შეცვლისთვის ძალისხმევის გამოყენებას აგრძელებს, - ამის შესახებ აზერბაიჯანის საგარეო საქმეთა მინისტრ ელმარ მამედიაროვის ოფიციალურ წერილშია ნათქვამი, რომელიც მან გაეროს გენმდივან ბენ კი მუნს გაუგზავნა.

როგორც მიმართვაშია აღნიშნული, ამ გზით სომხეთი უხეშად არღვევს გაეროს შესაბამის რეზოლუციას, 1949 წლის ჟენევის კონვენციას და სხვა საერთაშორისო ჰუმანიტარული სამართლის ნორმებსა და პრინციპებს.

მამედიაროვის ინფორმაციით, მალე სირიიდან ყარაბაღში კიდევ 18 სომხურ ოჯახს გადაიყვანენ. „ეს მოწმობს სომხეთის რეალურ განზრახვას, რომელიც სირიის ჰუმანიტარულ კატასტროფას მის მიერ აზერბაიჯანული ტერიტორიების ოკუპაციის განსამტკიცებლად იყენებს“, - წერს მინისტრი.