საზოგადოება
ნოდარ ხადური: „1 სექტემბრიდან პენსია გაუტოლდება და გადააჭარბებს საარსებო მინიმუმს“
საქართველო, 21 აგვისტო, საქინფორმი. საქართველოს ფინანსთა მინისტრ ნოდარ ხადურის განცხადებით, სექტემბრიდან პენსიები საარსებო მინიმუმს გაუტოლდება და 150 ლარი გახდება.
„საქართველოს 2013 წლის სახელმწიფო ბიუჯეტიდან გასაწევ ხარჯებს არანაირი საფრთხე არ ემუქრება და საბიუჯეტო პრობლემების შესახებ ყველა განცხადება ტყუილია. მთავრობა ყველაფერს აკეთებს, რომ წინასაარჩევნოდ აღებული ყველა ვალდებულება, ბიუჯეტის შესაბამისად, შესრულდეს და უკვე პირველი სექტემბრიდან პენსია გაუტოლდება და გადააჭარბებს საარსებო მინიმუმს. ამას დაემატება ასევე დაზღვევა, რომელიც მთელმა საქართველომ მიიღო“, - განაცხადა ხადურმა.
დაგვრჩა მარტო ვივარაუდოთ - ნუთუ პატივცემულ ფინანსთა მინისტრს მართლა ჰგონია, რომ საქართველოში საარსებო მინიმუმი 150 ლარს უდრის?!
