აქტუალური
სტურუა: „Good Bye!” რურუა: „ბატონი სტურუა პირადად ჩემი გადაწყვეტილებით გავათავისუფლე!“
საქართველო, 19 აგვისტო, საქინფორმი. 17 აგვისტოს რუსთაველის თეატრის სამხატვრო ხელმძღვანელმა რობერტ სტურუამ „ფეისბუქის“ გვერდზე გამოაქვეყნა განცხადება, სადაც რუსთაველის თეატრის განადგურებაში მიხეილ სააკაშვილს ადანაშაულებს.
„სააკაშვილმა, კულტურის მინისტრის ხელით, რუსთაველის თეატრის განადგურება მოახერხა. ნიჭიერი მსახიობი და უნიჭო ადმინისტრატორი ამ პროცესს გაუგებარი ვნებებით შეპყრობილნი ბოლომდე მიიყვანენ.
მე ვზივარ ამ იდიოტურ კომპიუტერთან და ვფიქრობ: წავიდე თუ დავრჩე?.. თუ უკანალი ვინმე კონგრესმენს აქვს, მე იმერული ვაჟკაცობა მშველის. ამ უნიჭო მებრძოლთა სიაში ვერ ჩავეწერები. ინგლისში ვიღაცამ მითხრა: მაყურებელს ჰგონია თუ ტაკიმასხარა შექსპირის ტექსტს ამბობს - ეს მისი ტექსტიაო... და ზოგჯერ მსახიობიც იჯერებს ამას...სამწუხაროდ... 55 წელი ვარ ამ ტაძარში და ასეთი დაძაბულობა არ ყოფილა ... მე რა 75 წლის ვარ...good bye...“, – დაწერა რობერტ სტურუამ.
