საქართველო, 19 აგვისტო, საქინფორმი. ვაზიანის სამხედრო პოლიგონზე  გაიმართა ტაქტიკური სწავლება საბრძოლო სროლებით. სწავლებაში მონაწილეობა მიიღეს I საარტილერიო ბრიგადის 122 მილიმეტრიანი “BM-21”-ის ბატალიონმა და “LAR 160”-ის ბატარეამ.

სამხედრო სწავლებას გაერთიანებული შტაბის უფროსი, პოლკოვნიკი ირაკლი ძნელაძე და  მისი მოადგილე, პოლკოვნიკი არსენ სუხიშვილი დაესწრნენ.

სწავლება ერთ ეტაპად ჩატარდა და მიზნად ისახავს თავდაცვითი ოპერაციების საცეცხლე მხარდაჭერის უზრუნველყოფისთვის საბრძოლო მზადყოფნის ამაღლებას.

სწავლების დასრულების შემდეგ ქვედანაყოფის საბრძოლო მომზადების სტატუსის განსაზღვრა მოხდება.