საქართველო, 14 აგვისტო, საქინფორმი. მე ქვეყანას ვუყვარვარ და ბევრი მარდამჭერი მეყოლება, - ამის შესახებ მომღერალმა გია სურამელაშვილმა გაზეთ „ყველა სიახლისთვის“ მიცემულ ინტერვიუში განაცხადა.

„არ არის გამორიცხული, პრეზიდენტობაზეც ვიყარო კენჭი. სერიოზულად ვამბობ – მე ქვეყანას ვუყვარვარ და ბევრი მხარდამჭერი მეყოლება“, - აღნიშნა მომღერალმა და დასძინა, რომ ზოგიერთს ის მიხეილ სააკაშვილის მხარდამჭერი ჰგონია, მაგრამ ასე არ არის.

„წინასაარჩევნოდ “ნაციონალური მოძრაობის” მიერ ორგანიზებულ კონცერტებზე ვიმღერე და “რუსთავი 2″-მა ამ გუნდის მხარდამჭერად გამომაცხადა, აქედან წამოვიდა ეს ჭორი. მე მომღერალი ვარ და სადაც დამიძახებენ, იქ ვმღერი“, - განაცხადა სურამელაშვილმა, რომლის თქმითაც, იგი 20 წელია პოპულარულია საქართველოშიც და რუსეთშიც, რის გამოც საზოგადოების ნაწილის მხრიდან კრიტიკა „ფეხებზე ჰკიდია“.