საქართველო, 14 აგვისტო, საქინფორმი. შსს-ს იმერეთის, რაჭა-ლეჩხუმის და ქვემო სვანეთის სამხარეო მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1992 წელს დაბადებული ნოდარ თ. დააკავეს.

გამოძიებამ დაადგინა, რომ 11 აგვისტოს, გვიან ღამით, დაკავებულმა და მისმა ორმა მეგობარმა ჭიათურის რაიონის სოფელ კაცხთან, ტყეში, ურთიერთშელაპარაკებისას, ბლაგვი საგნით თავის არეში მრავლობითი დაზიანება მიაყენეს 1963 წელს დაბადებულ ამირან თაბაგარს, რის შედეგადაც ის ადგილზე გარდაიცვალა.

სამართალდამცველებმა ნოდარ თ. მომხდარიდან რამდენიმე საათში დააკავეს. დანაშაულში მონაწილე სხვა პირების დადგენა-დაკავების მიზნით ტარდება შესაბამისი სამძებრო-საგამოძიებო ღონისძიებები.