უცხოეთი
როსპოტრებნადზორმა რუსებს შესაძლოა თურქეთში ჩასვლა აუკრძალოს

turciaსაქართველო, 7 აგვისტო, საქინფორმი. როსპოტრებნადზორი შეშფოთებულია თურქეთის კურორტებზე რუსი მოქალაქეების მოწამვლის გახშირებული შემთხვევებით და არ გამორიცხავს, რომ სიტუაციის გაუარესების შემთხვევაში ტურისტებს იქ ჩასვლა აუკრძალოს.

ოთხშაბათს „როსტურიზმმა“ ანტალიაში რფ-ის გენერალური საკონსულოს მონაცემებზე დაყრდნობით  განაცხადა, რომ ანტალიისა და ბელექის კურორტებზე 50-მდე რუსი ტურისტი მოიწამლა. შაბათს კი სამედიცინო დაწესებულებებს დახმარებისათვის ოტელ Grand Ring-ში დაბინავებულმა 69 მოწამლულმა რუსმა ტურისტმა მიმართა. გამოკვლევის შემდეგ 15 კაცი საავადმყოფოში მოათავსეს.