საქართველო, 2 აგვისტო, საქინფორმი. საქართველოს მთავარი პროკურატურა განცხადებას ავრცელებს, რომელსაც საქინფორმი უცვლელად გთავაზობთ.

„გაცნობებთ, რომ სისხლის სამართლის საქმე - სოფლის მეურნეობის სამინისტროსა და შპს ,,მექანიზატორის“ რიგი თანამდებობის პირების მიერ დიდი ოდენობით სახელმწიფოს კუთვნილი თანხების გაფლანგვისა და სამსახურებრივი უფლებამოსილების ბოროტად გამოყენების ფაქტზე - 2013 წლის 31 ივლისს განსახილველად წარიმართა თბილისის საქალაქო სასამართლოში.

იმის გათვალისწინებით, რომ საქმეზე გამოძიება დასრულდა, აღარ არსებობს ბრალდებულთა მხრიდან მტკიცებულებათა მოპოვებაში ხელის შეშლის საფრთხე, შესაბამისად ამოწურულია ბრალდებულთა პატიმრობაში ყოფნის აუცილებლობა.