საქართველო, 30 ივლისი, საქინფორმი. საარჩევნო საკითხებზე მომუშავე ინტერფრაქციული ჯგუფის ხელმძღვანელი ზაქარია ქუცნაშვილი პოლიტიკური პარტიების დაფინანსების ახალ მოდელს პარლამენტში დღეს წარადგენს.

ქუცნაშვილის ინიციატივით, აღნიშნულ 14 პარტიას კიდევ ის ოთხი პარტია დაემატება, რომლებმაც საპარლამენტო და ადგილობრივი თვითმმართველობის არჩევნებზე ბარიერი ვერ გადალახეს. ესენია: ეროვნულ-დემოკრატიული პარტია, ლეიბორისტული პარტია, „თავისუფალი საქართველო“ და „ქართული დასი“. ისინი სახელმწიფო ბიუჯეტიდან ერთჯერადად დაფინანსდებიან.

ქუცნაშვილის განმარტებით, დაფინანსების შემოთავაზებული პრინციპის მიხედვით, 7 საპარლამენტო პარტია სახელმწიფო ბიუჯეტიდან დამატებით 300-300 ათას ლარს მიიღებს, ხოლო 7 არასაპარლამენტო პარტიიდან თითოეული, რომელმაც საარჩევნო ბარიერი ცალ-ცალკე ვერ გადალახა - 150-150 ათას ლარს.  ეს კვალიფიციური სუბიექტები არიან: „ახალი მემარჯვენეები,“ „საქართველოს გზა,“ „სამართლიანი საქართველოსთვის,“ „ქრისტიან-დემოკრატები“, „ევროპელი დემოკრატები“ და „ხალხის პარტია“.