საზოგადოება
საქართველოს საპარლამენტო დელეგაცია კონდოლიზა რაისს შეხვდა
საქართველო, 23 ივლისი, საქინფორმი. პარლამენტის საგარეო ურთიერთობათა კომიტეტის თავმჯდომარე თედო ჯაფარიძე, პარლამენტის წევრი თინათინ ხიდაშელი და საქართველოს ელჩი ამერიკის შეერთებულ შტატებში არჩილ გეგეშიძე აშშ-ის ყოფილ სახელმწიფო მდივან კონდოლიზა რაისს შეხვდნენ.
შეხვედრაზე ისაუბრეს ბევრ საინტერესო საკითხზე, რაც საქართველო-აშშ-ის ურთიერთობას და ქვეყნის სამომავლო განვითარებას ეხება. ასევე ისაუბრეს საქართველოს საერთაშორისო გამოწვევებზე. განსაკუთრებული ყურადღება რუსეთ-საქართველოს ურთიერთობას და საერთაშორისო მისიებში საქართველოს მონაწილეობას დაეთმო. ყოფილმა სახელმწიფო მდივანმა ქართულ მხარეს სხვადასხვა საკითხში დახმარება აღუთქვა, მათ შორის - შესთავაზა საკუთარი გამოცდილებისა და ცოდნის გაზიარება ვაშინგტონის კონიუნქტურაში გასარკვევად. ქართულმა დელეგაციამ ქალბატონ რაისს საქართველოს მომავლის და სტრატეგიულ პარტნიორთან ურთიერთობის გაღრმავების შესახებ თავისი ხედვები გააცნო, ხოლო მისგან მრავალი რჩევა და მხარდაჭერის დაპირება მიიღო.
