საზოგადოება
საზოგადოებრივი მაუწყებლის სამეურვეო საბჭოს თავმჯდომარის არჩევნები ხელახლა ჩატარდება
საქართველო, 18 ივლისი, საქინფორმი. საზოგადოებრივი მაუწყებლის სამეურვეო საბჭოს თავმჯდომარის არჩევნები ხელახლა ჩატარდება. როგორც უკვე ცნობილია, დღეს გაიმართა ბორდის თავმჯდომარის არჩევნები, რომელშიც ორი კანდიდატი მონაწილეობდა - ემზარ გოგუაძე და ნატალია დვალი. კიდევ ერთმა კანდიდატმა გიორგი მელაძემ თავისი კანდიდატურა სხდომის დასაწყისშივე მოხსნა. გოგუაძემ და დვალმა ხმები თანაბრად გაიყვეს (5-5).
სხდომას ესწრებოდა სამეურვეო საბჭოს 11 წევრი, კიდევ ერთმა წევრმა - ოთარ კობერიძემ ხმის მიცემის უფლება სახლში გამოიყენა. ბორდის ორმა წევრმა კი ხმის მიცემისგან თავი შეიკავა.საზოგადოებრივი მაუწყებლის ინფორმაციით, სამეურვეო საბჭოს ამჟამინდელ თავმჯომარეს ლევან გახელაძეს უფლებამოსილების ვადა 1 სექტემბერს ეწურება, რის გამოც არჩევნები არაუგვიანეს 1 აგვისტოსი უნდა ჩატარებულიყო. უფლებამოსილების ვადა ეწურებათ ასევე ბორდის წევრებს: ოთარ კობერიძეს, ბაკურ სულაკაურსა და ზაზა კორინთელს.
საზოგადოებრივ მაუწყებელში ვერ აკონკრეტებენ, როდის გაიმართება სამეურვეო საბჭოს თავმჯდომარის ხელახალი არჩევნები.
