სამართალი
ონიშჩენკო ქართული სასმელების ხარისხით კმაყოფილია
საქართველო, 16 ივლისი, საქინფორმი. „როსპოტრებნადზორის“ ხელმძღვანელი და რფ-ის მთავარი სანიტარი გენადი ონიშჩენკო ქართული ალკოჰოლური სასმელების ხარისხით კმაყოფილია. მისი განცხადებით, რუსეთის ბაზარზე ქართული ალკოჰოლური სასმელის საკმაოდ დიდი მოცულობა - 618 ათასამდე ლიტრი შევიდა. თითოეული პარტიის შემოწმებისას კი პროდუქცია ყველა კრიტერიუმს აკმაყოფილებდა.
“მექმნება შთაბეჭდილება, რომ ქართულ კომპანიებს შემოაქვთ პროდუქცია, რომელიც წლების განმავლობაში დაუგროვდათ”, - აღნიშნა ონიშჩენკომ.
მისი განმარტებით, პროდუქციის რუსეთის ბაზარზე შეტანის ნებართვა 27 ქართულ კომპანიას აქვს მიღებული, თუმცა მიწოდება ჯერ მხოლოდ ექვსმა საწარმომ დაიწყო. ონიშჩენკოს თქმით, ინსპექციის მესამე ეტაპის საკითხი ჯერჯერობით აქტუალური არ არის, რადგან ქართული კომპანიები არ აქტიურობენ.
