საქართველო, 15 ივლისი, საქინფორმი. ციხის სკანდალური კადრების ავტორის ვლადიმერ ბედუკაძის განცხადებით, 2012 წლის სექტემბერში გავრცელებულ ერთ–ერთ ვიდეომასალაში მისი ხმა ნამდვილად ისმის და წამების მსხვერპლს სწორედ ის მიმართავს. შეგახსენებთ, რომ სამი დღის წინ პირველი არხის გადაცემა “დიალოგში“ დავით პაიჭაძესთან სტუმრობისას იგი ამას საჯაროდ უარყოფდა.

12 ივლისს ტელეკომპანია „იმედის“ გადაცემა „ღია ეთერში“ ყოფილმა ბრალდებულმა განმარტა, რომ „ხმა იყო აუცილებელი გარემოება“.

„მე ვიღებდი სპეციალურად და იმ განწყობით, რომ სააშკარაოზე გამომეტანა ეს ყველაფერი. ვეთანხმები პრემიერის პოზიციას, რომ წამებაში ეჭვმიტანილი პირი არ უნდა გათავისუფლდეს საერთაშორისო პასუხისმგებლობისგან.... მაგრამ მე წამებაში არ ვმონაწილეობდი, მე მხოლოდ ვიღებდი", - განაცხადა ვლადიმერ ბედუკაძემ.