უცხოეთი
რუსეთი და საქართველო ავიამიმოსვლის აღდგენაზე კონსულტაციებს გამართავენ

1-avia-ucxxსაქართველო, 10 ივლისი, საქინფორმი. საქართველოსა და რუსეთის სატრანსპორტო უწყებები ივლისის ბოლოს კონსულტაციებს გამართავენ ორ ქვეყანას შორის პირდაპირი რეგულარული ავიარეისების აღდგენის საკითხზე. ამის შესახებ საქართველოს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე აცხადებს.

მისი თქმით, რუსეთისა და საქართველოს შესაბამისი სტრუქტურების წარმომადგენლები მოცემულ ეტაპზე არ აზუსტებენ, კერძოდ, სად - მოსკოვსა თუ თბილისში - გაიმართება აღნიშნული კონსულტაციები.

სპეცწარმომადგენლის ცნობით, პირდაპირი ავიამიმოსვლის აღდგენის თემა, ისევე, როგორც სხვა მიმდინარე საკითხები, წინა დღეს მისი და რუსეთის საგარეო საქმეთა მინისტრის მოადგილე გრიგორი კარასინის სატელეფონო საუბრისას განსჯის საგანი იყო.

აბაშიძის თქმით, სავაჭრო-ეკონომიკურ და ჰუმანიტარულ საკითხებთან ერთად, ორ ქვეყანას შორის სატრანსპორტო პრობლემის გადაჭრა გრიგორი კარასინთან მისი პირდაპირი, ორმხრივი დიალოგის ფარგლებში მოლაპარაკების ერთ-ერთი მთავარი თემაა.