პოლიტიკა
პრემიერი ივანიშვილი მუსლიმან თანამოქალაქეებს რამაზანის თვის დადგომას ულოცავს
საქართველო, 10 ივლისი, საქინფორმი. საქართველოს პრემიერ-მინისტრი ბიძინა ივანიშვილი მუსლიმან თანამოქალაქეებს რამაზანის თვის დადგომას ულოცავს. ამის შესახებ პრემიერ–მინისტრის “ფეისბუქის”გვერდზე გავრცელებულ მილოცვაშია ნათქვამი.
“ვულოცავ წმინდა რამაზანის თვის დადგომას ჩვენს მუსლიმან თანამოქალაქეებს! მინდა შევუერთდე ამ დიდ დღესასწაულს და გავიზიარო ეს სიხარული. საქართველოში მცხოვრებ ყველა მუსლიმანს ვუსურვებ სულიერ სიმშვიდეს, ჯანმრთელობას, ბედნიერებას, წინსვლას და ერთიან და ძლიერ საქართველოში ცხოვრებას, რომელიც სამშობლოა ყველა ჩვენი მოქალაქისთვის. ყველას გილოცავთ რამაზანს”, – ნათქვამია ბიძინა ივანიშვილის მილოცვაში. 
