საქართველო, 9 ივლისი, საქინფორმი. ვაჰაგნ ჩახალიანის ძმის, არმენ ჩახალიანის დაკავების შესახებ სასამართლო გადაწყვეტილება ოჯახის წევრებმა ახალქალაქის რაიონულ სასამართლოში გაასაჩივრეს.

არმენ ჩახალიანს ბრალი საქართველოს სისხლის სამართლის კოდექსის 239-ე მუხლის მე-2  და მე-3 პუნქტებით (ხულიგნობა, პოლიციის მიმართ დაუმორჩილებლობა და ცივი იარაღის გამოყენება) აქვს წაყენებული.

„საქმეზე 50-მდე ადამიანი იყო ეჭვმიტანილი, თუმცა პატიმრობა მხოლოდ ჩემს ძმას შეეფარდა, ვფიქრობ, რომ ამას პოლიტიკური ქვეტექსტი აქვს", - აცხადებს ვაჰაგნ ჩახალიანი, რომელიც მიიჩნევს, რომ ამ პროვოკატორული ქმედების ავტორები სააკაშვილისა და მერაბიშვილის ნების ყოფილი შემსრულებლები არიან.