საქართველო, 9 ივლისი, საქინფორმი. ბრიფინგი, რომელიც თბილისში პირველი ქართულ-რუსული ფორუმის - “სამოქალაქო საზოგადოების ინსტიტუტების და ქართულ რუსული ურთიერთობის განვითარების პრობლემები და პერსპექტივები“ - მუშაობის დაწყებას ეძღვნება, “რია ნოვოსტის“ თბილისის საერთაშორისო პრესცენტრში სამშაბათს, 9 ივლისს, 13 საათზე გაიმართება.

თავად ფორუმი თბილისში 2013 წლის 11 ივლისს ჩატარდება და მიეძღვნება რუსეთსა და საქართველოს შორის ურთიერთობის სხვადასხვა საკითხს და ქართულ-რუსული ურთიერთობის განვითარების პერსპექტივებს. ფორუმის ორგანიზატორია - თანამშრომლობის ქართული ფორუმი “GPForum“. ღონისძიების მთავარი მიზანი - რუსეთისა და საქართველოს არასამთავრობო ორგანიზაციებს შორის დიალოგისთვის მუდმივი პლატფორმის შექმნა ორმხრივი, მათ შორის - კონფლიქტის მოგვარებაზე მიმართული - პროექტების რეალიზაციისათვის.

ბრიფინგის მონაწილეები ილაპარაკებენ ღონისძიების გეგმაზე, ფორუმის ამოცანებსა და სპიკერებზე, უპასუხებენ ჟურნალისტების შეკითხვებს.

თანამშრომლობის ქართული ფორუმის შემადგენლობაში შედიან რუსეთისა და საქართველოს წამყვანი არასამთავრობო ორგანიზაციები: კონფლიქტებისა და მოლაპარაკებათა საერთაშორისო ცენტრი (საქართველო), ინფორმაციის თავისუფლების განვითარების ფონდი (რუსეთი), უფლებადამცველი რესურს ცენტრი (რუსეთი) და ა.შ.

ბრიფინგის მონაწილეები:

- თანამშრომლობის ქართული ფორუმის დირექტორი თემურ ქობალია;

- პოლიტოლოგი, კონფლიქტებისა და მოლაპარაკებათა საერთაშორისო ცენტრის დირექტორი გიორგი ხუციშვილი;

- ადვოკატი, სანკტ-პეტერბურგის ადვოკატთა საერთაშორისო კოლეგიის საბჭოს წევრი, სანკტ-პეტერბურგის უფლებამცველი საბჭოს წევრი იოსებ გაბუნია;