საქართველო, 8 ივლისი, საქინფორმი. გაზეთი “ასავალ-დასავალის” ინფორმაციით, საქართველოს ყოფილი პრემიერ-მინისტრის ზურაბ ჟვანიას მკვლელობა გახსნილია.

გაზეთის ცნობით, მთავარმა პროკურატურამ გამოძიება დაასრულა და კონკრეტული დამნაშავის ბრალეულობაც გამოიკვეთა. თუმცა, საპრეზიდენტო არჩევნებამდე პროკურატურა საქმის გახსნილად გამოცხადებას არ აპირებს.

„გამოძიების პროცესში უშუალოდ გამოიკვეთა სააკაშვილის მონაწილეობა ჟვანიას მკვლელობაში. ჟვანია და უსუპოვი საბურთალოს 53-ში უკვე გარდაცვლილები მიიყვანეს. ასევე ჟვანიას ცხედარი ტელევიზორის ყუთში იდო. იმ პიროვნებათა შორის, რომელმაც ცხედრის ტრანსპორტირება მოახდინა, იყო გიორგი ბარამიძე. ჟვანია მოკლეს სააკაშვილის შავნაბადას რეზიდენციაში, სადაც იმყოფებოდნენ მერაბიშვილი და ახალაიაც”, - წერს „ასავალ-დასავალი“.