სამართალი
სახალხო დამცველის აპარატი მამუკა მიქაუტაძის საქმეს შეისწავლის
საქართველო, 8 ივლისი, საქინფორმი. ომბუდსმენის აპარატმა მამუკა მიქაუტაძის საქმის შესწავლა დღეიდან დაიწყო. უჩა ნანუაშვილის შეფასებით, მიქაუტაძის საქმეში სერიოზული დარღვევებია და საკითხის შესწავლის შემდეგ სახალხო დამცველის აპარატი განცხადებას გააკეთებს.
“ჩვენ მივიღებთ ახსნა-განმარტებებს ოჯახის წევრებისგან, ასევე მივიღებთ მასალებს გამოძიებისგან... არის კითხვის ნიშნები და სერიოზული დარღვევები. საკითხის შესწავლის შემდეგ განცხადებას გავაკეთებთ”, – აღნიშნა ნანუაშვილმა.საქინფორმის მკითხველს შევახსენებთ, რომ 36 წლის მამუკა მიქაუტაძე 2 დღის წინ თბილისის ზღვის მიმდებარე ტერიტორიაზე ხეზე ჩამომხრჩვალი იპოვეს. გარდაცვლილის ოჯახის წევრთა თქმით, წინა ღამით ის პოლიციამ დააკავა და რამდენიმე საათის განმავლობაში მთავარ სამმართველოში დაკითხვაზე იმყოფებოდა.
გარდაცვლილის მეუღლის განცხადებით კი, თვითმკვლელობამდე მან ოჯახის წევრებს დაურეკა და უთხრა, რომ პოლიციამ მეგობრის საწინააღმდეგო ჩვენება წამებით მიაცემინა.
