პოლიტიკა
„თავისუფალი საქართველო“ სამ კანონპროექტზე ხელმოწერების შეგროვების კამპანიას იწყებს
საქართველო, 4 ივლისი, საქინფორმი. პარტია „თავისუფალმა საქართველომ“ პარლამენტს 3 საკანონმდებლო ინიციატივით მიმართა. ესენია:
- კანონპროექტი „შეკრებებისა და მანიფესტაციების შესახებ“: კანონპროექტის თანახმად, იკრძალება შეკრებებისა და მანიფესტაციების ჩატარება რელიგიური დანიშნულების მქონე ნაგებობებში და მათ სიახლოვეს, თუ შეკრებამ შესაძლოა რელიგიური შუღლის გაღვივება გამოიწვიოს.
- კანონპროექტი „სასოფლო-სამეურნეო დანიშნულების მიწების საკუთრების შესახებ“: ამ კანონის ამოქმედების შემთხვევაში შეწყდება ქართული სასოფლო-სამეურნეო დანიშნულების მქონე მიწების უკონტროლო გასხვისება უცხოეთის მოქალაქეებზე.
იმისათვის, რომ კანონპროექტები პარლამენტის პლენარულ სხდომაზე განსახილველად გავიდეს, თითოეულ მათგანზე საჭიროა 30.000 თანამოქალაქის ხელმოწერა.
4 ივლისს, დღის 12 საათიდან, თავისუფლების და რუსთაველის მეტროებთან „თავისუფალი საქართველო“ ხელმოწერების შეგროვების კამპანიას დაიწყებს. ღონისძიებაში პირადად მიიღებენ მონაწილეობას პარტიის ლიდერები, ახალგაზრდული ფრთა და პარტიული აქტივი.
