საქართველო, 2 ივლისი, საქინფორმი. აშშ-ის ელჩმა საქართველოში რიჩარდ ნორლანდმა პრეზიდენტის მიერ არჩევნების თარიღის დანიშვნის ფაქტის კომენტირებისას განაცხადა, რომ აშშ საქართველოში თავისუფალ და სამართლიან საპრეზიდენტო არჩევნებს ელის.

"ამერიკის შეერთებული შტატები და საერთაშორისო თანამეგობრობა მჭიდროდ დააკვირდება საქართველოს მიერ გადადგმულ შემდეგ ნაბიჯს დემოკრატიის გზაზე და მის შესაბამისობას საერთაშორისო პრინციპებთან", - აღნიშნა რიჩარდ ნორლანდმა.

რაც შეეხება იმას, შეუქმნის თუ არა პრობლემებს არჩევნების სამუშაო დღეს გამართვა უცხოეთში მცხოვრებ საქართველოს მოქალაქეებს, ელჩის თქმით, მისთვის ეს უცნობია.