საქართველო, 1 ივლისი, საქინფორმი. კვირიდან ორშაბათ ღამეს ხორვატია ევროკავშირში ოფიციალურად შევიდა და ამ ორგანიზაციის 28-ე წევრი გახდა.

დედაქალაქი ზაგრები და ათობით სხვა ქალაქი ქვეყნის ახალ სტატუსს ცენტრალურ მოედნებზე საზეიმო ატმოსფეროში - კონცერტებით, წარმოდგენებითა და ფოიერვერკებით ხვდება. დღესასწაულის განუყოფელ ნაწილს წარმოადგენს ევროკავშირის ჰიმნის - „სიხარულის ოდა“ შესრულება.

ამავე დროს სიმბოლური აქციები იმართება ორ საკონტროლო-გამშვებ პუნქტზე, საიდანაც ტელეტრანსლაცია მიმდინარეობს. სერბეთ-ხორვატიის საზღვარზე, ბაიაკოვოში ოფიციალურ პირთა და ჟურნალისტთა თანდასწრებით საზეიმოდ გაიხსნა ევროკავშირის ნიშნიანი აბრა.