საქართველო, 28 ივნისი, საქინფორმი. რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის განცხადებით, რომელიც მან საქართველოს პარლამენტის ტერიტორიული მთლიანობის აღდგენის საკითხთა დროებითი კომისიისა და საგარეო ურთიერთობათა კომიტეტის გაერთიანებულ სხდომაზე გააკეთა, რუსეთი საქართველოსთან სავიზო რეჟიმს უახლოეს პერიოდში გაამარტივებს.

,,არის იმის იმედი, რომ ის განცხადებები, რაც რუსეთის მხრიდან გაკეთდა საქართველოსთან სავიზო რეჟიმის გამარტივების შესახებ, რეალურად უახლოეს პერიოდში ამუშავდება. ვიზების გაუქმებაზე საუბარი არ არის, ლაპარაკია მხოლოდ გარკვეული კატეგორიებისთვის ვიზების გამარტივებაზე”, - განაცხადა აბაშიძემ.