ჩვენთვის ნაჩვენებ პირველ ვიდეოში ასეთი რამ არის ასახული:
ხის მაგიდაზე მამაკაცი თოკებით არის დაბმული და „კასტილებიანი“ ჯალათი მასთან სექსუალურ კავშირს ამყარებს.
დიახ, აქ მსხვერპლის გაუპატიურება „ნატურალურად“ ხდება და სააკაშვილის სისტემის მიერ აპრობირებული ცოცხი, ხელკეტი ან სხვა რამ „ხელოვნური“ საშუალებები გამოყენებული არ არის!
როგორც შინაგან საქმეთა მინისტრმა განმარტა, მსხვერპლისაგან მოითხოვდნენ, რომ მას ეღიარებინა არჩადენილი დანაშაული და ეთქვა, რომ მოაწყო ტერაქტი, რომელიც, სინამდვილეში, არ განხორციელებულა.
მას შემდეგ, რაც სააკაშვილ-მერაბიშვილის ჯალათებმა მაგიდაზე თოკებით დაბმული მამაკაცი გააუპატიურეს, გადაწყვიტეს, რომ მისი გაშვება სახიფათო იყო, ამიტომაც წაიყვანეს ერთ-ერთ სასაფლაოზე, ე.წ. შპრიცით გაუკეთეს ნარკოტიკი, რამდენიმე აბი ჯიბეშიც ჩაუდეს, შემდეგ კი გამოიძახეს პოლიცია და გაუპატიურებული მამაკაცი დააპატიმრეს, როგორც ნარკომომხმარებელი, რომელსაც 7 წლით თავისუფლების აღკვეთა მიუსაჯეს.
ირაკლი ღარიბაშვილის თქმით, ამ ადამიანმა ათიოდე დღის წინათ ამნისტიის წყალობით დატოვა საპყრობილე. სამართალდამცავებმა იგი სამეგრელოდან თბილისში ჩამოიყვანეს და ჩვენება ჩამოართვეს. სააკაშვილის რეჟიმის ჯალათების მიერ გაუპატიურებულმა მამაკაცმა გამოძიებას დეტალურად უამბო მის თავს დატრიალებული უბედურების შესახებ.
ჯაბა ხუბუა
„ასავალ-დასავალი“