სამართალი
ზაქარეიშვილი: „პრეზიდენტმა თავისი გამოცდილება გაგვიზიარა“
საქართველო, 6 ივნისი, საქინფორმი. რეინტეგრაციის საკითხებში სახელმწიფო მინისტრ პაატა ზაქარეიშვილის განცხადებით, რომელიც გუშინ პრეზიდენტის ადმინისტრაციაში გამართულ უშიშროების საბჭოს სხდომას დაესწრო, მისთვის შეხვედრა მოსალოდნელზე კონსტრუქციული აღმოჩნდა.
“მიხარია, რომ შეხვედრა იყო კონსტრუქციული. თემები იყო არსებითად მნიშვნელოვანი. პრეზიდენტმა გაგვიზიარა თავის გამოცდილება, მოგზაურობების შედეგად მიღწეულ შედეგებზე იყო საუბარი", - განაცხადა ზაქარეიშვილმა.
იუსტიციის მინისტრ თეა წულუკიანის განცხადებით, რომელიც ასევე გამოეხმაურა უშიშროების საბჭოს გუშინდელ სხდომას, „ძალიან დასანანია, რომ ამ უმნიშვნელოვანეს რგოლს ხელმძღვანელობს ის ადამიანი, რომელიც დღეს მეთაურობს, მაგრამ ეს დროებითია. მთავარი არის ის, რომ ამ დროებითობაში, ნოემბრამდე არავის დაგვავიწყდეს, ხელისუფლების წარმომადგენლებს, რომელთაგან არაერთი ბრძანდებოდა შეხვედრაზე, რომ ეს არის უმნიშვნელოვანესი ორგანო“.
