საქართველო, 31 მაისი, საქინფორმი. გუშინდელ სასამართლო სხდომაზე „ნაცმოძრაობის“ გენმდივანმა ვანო მერაბიშვილმა განცხადება გააკეთა.

მისი თქმით, 26 მაისის აქციის დარბევის დროს ორი ადამიანი გარდაიცვალა და ამ ბრალდებით დაპატიმრებულები ამნისტიის შედეგად გათავისუფლდენ.

„იმ ფონზე, როდესაც დაჭერილ კანონიერ ქურდებს ათავისუფლებენ, მე, როგორც მათ მოწინააღმდეგე ერთ-ერთ მებრძოლს, არ მიკვირს, რომ დღეს ციხეში ვზივარ. ვაპირებდი პარტიიდან წასვლას და დარჩენილი ცხოვრების შვილებისა და ოჯახისთვის მიძღვნას, მაგრამ ახლა ვფიქრობ, რომ საქმე ბოლომდე არ მიგვიყვანია და ჩვენი ლოზუნგი - „გასაკეთებელი კიდევ ბევრია“ - ძალაში რჩება", - აღნიშნა მერაბიშვილმა.