საქართველო, 30 მაისი, საქინფორმი. მერაბიშვილის ადვოკატები ახალი ბრალის შესახებ დამატებით ინფორმაციას მიიღებენ. პროკურატურამ ვანო მერაბიშვილი 2011 წლის 26 მაისს დამამძიმებელ გარემოებაში უფლებამოსილების გადაჭარბებაში დაადანაშაულა. კერძოდ, ლაპარაკია ოპოზიციური პარტიის მხარდამჭერი აქციის დაშლაზე და მომიტინგეთათვის ტერიტორიიის დასატოვებლად არასაკმარისი დროის გამოყოფაზე. წარდგენილი ბრალი 5-დან 8 წლამდე პატიმრობას ითვალისწინებს.

შს ყოფილი მინისტრი და “ნაცმოძრაობის“ გენმდივანი პროკურატურის მიერ წარდგენილ ახალ ბრალდებას არ ეთანხმება.

ადვოკატ გიორგი გელხაურის თქმით, დაცვის მხარისათვის მტკიცებულებები ჯერჯერობით არ გადაუციათ, ხოლო მერაბიშვილი „არ ეთანხმება წარდგენილ ბრალდებას და მიიჩნევს, რომ ეს არის აბსურდული“.