სამართალი
თბილისს ჟან კლოდ მინიონი ეწვია
საქართველო, 28 მაისი, საქინფორმი. ბაქოდან საქართველოში ევროსაბჭოს საპარლამენტო ასამბლეის პრეზიდენტი ჟან კლოდ მინიონი ჩამოვიდა. ჟან კლოდ მინიონის თბილისში ვიზიტი სტრასბურგში ევროპის საბჭოს გენერალური მდივნის კონსოლიდირებულ მოხსენებას ემთხვევა, რომელიც საქართველოში არსებულ კონფლიქტებს უკავშირდება და ყოველ 6 თვეში ერთხელ მზადდება.
ვიზიტის ფარგლებში მინიონი დღეს რეინტეგრაციის საკითხებში სახელმწიფო მინისტრს პაატა ზაქარეიშვილს შეხვდება. 29 მაისს კი დაგეგმილია ევროპის საბჭოს საპარლამენტო ასამბლეის დელეგაციის შეხვედრები საქართველოში საფრანგეთის საგანგებო და სრულუფლებიან ელჩ რენო სალინსთან, პარლამენტის თავმჯდომარე დავით უსუფაშვილთან და საგარეო საქმეთა მინისტრ მაია ფანჯიკიძესთან. 
