საზოგადოება
სიონის საპატრიარქო ტაძარში წმინდა სპირიდონ ტრიმიფუნტელის ხელის მტევანი მიაბრძანეს
საქართველო, 28 მაისი, საქინფორმი. დღეს მცხეთიდან სიონის ტაძარში წმინდა სპირიდონ ტრიმიფუნტელის ხელის მტევანი მიაბრძანეს. ტაძარში ზუგდიდისა და ცაიშის მიტროპოლიტმა გერასიმემ წმინდანისადმი სავედრებელი პარაკლისი გადაიხადა.
ხვალ წმინდა ნაწილს თერჯოლაში წააბრძანებენ, რის შემდეგაც მას ფოკასა და ბოდბის მონასტერში ჩაიტანენ. სიწმინდე საქართველოს 2 ივნისს დატოვებს. წმინდა სპირიდონ ტრიმიფუნტელის მარჯვენა ხელის უხრწნელი მტევანი კუნძულ კორფუდან საქართველოში 24 მაისს ჩამოაბრძანა მიტროპოლიტმა ნექტარიუსმა სხვა სასულიერო პირებთან ერთად. წმინდა სპირიდონი III საუკუნის ბოლოსა და IV საუკუნის დასაწყისში მოღვაწეობდა. იგი მონაწილეობდა ნიკეის საეკლესიო კრებაში. წმინდანის სხეული დღემდე უხრწნელად არის შემონახული. წმინდანს განსაკუთრებულად მატერიალური გაჭირვების ჟამს ევედრებიან.
 |
 |
