პოლიტიკა
სოფელ დიცთან რუსმა სამხედროებმა საზღვარი გადმოსწიეს
საქართველო, 27 მაისი, საქინფორმი. სოფელ დიცთან და სოფელ დვანთან რუსმა სამხედროებმა საზღვარი გადმოსწიეს.
შს სამინისტროს საინფორმაციო–ანალიტიკური დეპარტამენტის წარმომადგენლის, კახაბერ ქემოკლიძის განცხადებით, „შსს ადასტურებს სოფელ დიცის ტერიტორიაზე მავთულხლართების ინსტალაციის ფაქტს რუსი მესაზღვრეების მხრიდან. აღნიშნულ საკითხთან დაკავშირებით სამინისტროს პოზიციაა ის, რომ ეს არის ყოვლად უკანონო ქმედება რუსი მესაზღვრეების მხრიდან“.
„ამ პრობლემასთან დაკავშირებით სამინისტრო აუცილებლად დააყენებს საკითხს ინციდენტების პრევენციისა და მათზე რეაგირების ჯგუფის 31 მაისის შეხვედრებზე. ივნისის ბოლოს აღნიშნულ პრობლემასთან დაკავშირებით აუცილებლად ვისაუბრებთ ჟენევის დისკუსიების ფორმატის ფაგლებშიც. სამინისტრო ყოველ ღონეს ხმარობს იმასთან დაკავშირებით, რომ ინფორმაცია მიაწოდოს საერთაშორისო თანამეგობრობას, ჩვენს პატრნიორ სახელმწიფოებს და საქართველოს ხელთ არსებული ყველა დიპლომატიური ინსტრუმენტი აქტიურად არის გამოყენებული“, - აღნიშნა ქემოკლიძემ.
