საქართველო, 7 მაისი, საქინფორმი. "თავისუფლებისა და დემოკრატიის განვითარების ინსტიტუტის" აღმასრულებელმა დირექტორმა თეა თუთბერიძემ გაზეთ "ალიასთან“ "ნაციონალურ მოძრაობაში" არსებულ განხეთქილებაზე საუბრისას განაცხადა, რომ ქვეყანაში პოლიტიკურ გადაწყვეტილებებს 4 პირი იღებდა.

"პროკურატურა-იუსტიციის მიმართულებით გადაწყვეტილებას იღებდა ზურაბ ადეიშვილი, ზოგადპოლიტიკური მიმართულების საკითხებში ჩართული იყო გიგა ბოკერია, დანარჩენ სისტემებს, გარდა თავდაცვის სამინისტროსი, აკონტროლებდა მერაბიშვილი. ცხადია, საბოლოოდ ყველა ინფორმაცია სააკაშვილთან მიდიოდა. ერთადერთი მინისტრი, რომელიც დამოუკიდებლად უძღვებოდა სისტემას, ეს ბაჩო ახალაია იყო“, - აღნიშნა თუთბერიძემ, რომლის განმარტებით, „ივანიშვილს მილიარდიც რომ გადაეხადა ციხის სკანდალური კადრებისათვის, ის მსგავსი რამის გადაღებასაც კი ვერ შეძლებდა. პირობითად, "ქართული ოცნების" მხრიდან ხათუნა კალმახელიძესთან რომ მომხდარიყო გარიგება, ამაზე ინფორმაცია შინაგან საქმეთა სამინისტროს აუცილებლად ექნებოდა... მეტიც, არ გამოვრიცხავ, რომ ეს ყველაფერი თავად მერაბიშვილმა გააკეთა. ციხის კადრებით მერაბიშვილმა რეალურად დაარტყა მიხეილ სააკაშვილს და დაარტყა იმ ადამიანებს, ვინც სააკაშვილის უშუალო დასაყრდენი ფიგურები იყვნენ".

თუთბერიძის განცხადებით, წინაასაარჩევნოდ ვანო მერაბიშვილის პრემიერ-მინისტრად გადაყვანას თავისი მიზეზი ჰქონდა.

"სააკაშვილს ქვეყნის გარედან მიაწოდეს ინფორმაცია, რომ ვანო მერაბიშვილი რეალურად გარიგებულია "ქართულ ოცნებასთან".