საქართველო, 7 მაისი, საქინფორმი. საპარლამენტო უმრავლესობის წევრ  კობა დავითაშვილის განცხადებით, რომელიც მან დღევანდელ პრესკონფერენციაზე გააკეთა, იგი თანახმაა, სოფლის მეურნეობის მინისტრის პოსტი დაიკავოს. მისი თქმით, მინისტრობა პოლიტიკოსის პროფესიაა და არა - ექსპერტისა და სპეციალისტის.

„დავთანხმდები, რადგან მე ღრმად ვარ დარწმუნებული, რომ მინისტრობა არის პოლიტიკოსის პროფესია და არა ექსპერტის და სპეციალისტის. ექსპერტსა და სპეციალისტს აქვს თავისი მნიშვნელოვანი ადგილი, ის უნდა იყოს მოადგილის დონეზე, დეპარტამენტის ხელმძღვანელის დონეზე. მან მინისტრს უნდა დაუდოს წინ პოლიტიკური გააწყვეტილების ვარიანტები, მაგრამ პოლიტიკური არჩევანი უნდა გააკეთოს მინისტრმა“, - აღნიშნა დავითაშვილმა.