აქტუალური
„ძვირფასო მიშა, მე ვგრძნობ შენს ტკივილს! პატივისცემით, ანდერსი“
საქართველო, 7 მაისი, საქინფორმი. მიხეილ სააკაშვილის ოფიციალურ გვერდზე სოციალურ ქსელ "Facebook”-ში ნატოს გენერალური მდივნის, ანდერს ფოგ რასმუსენის წერილი გამოქვეყნდა, რომელიც მან საქართველოს პრეზიდენტს 2013 წლის 11 აპრილს მისწერა:
„ძვირფასო მიშა,
სამხრეთ კორეაში ვიზიტის დროს შევიტყვე თურქეთში მომხდარი ინციდენტის შესახებ და ძალიან შევწუხდი, როდესაც გავიგე, რომ ველოსიპედის მართვისას მხარი დაიზიანე. დაახლოებით ორი წლის წინათ მეც შემემთხვა მსგავსი რამ - მოვიტეხე მხარი და ამიტომ გულწრფელად შემიძლია გითხრა: მე ვგრძნობ შენს ტკივილს! მაგრამ ასევე შემიძლია დაგარწმუნო, რომ ინტენსიური ფიზიოთერაპიის საშუალებითა და მოთმინებით ძალიან მალე გამოჯანმრთელდები.
ყველაფერს საუკეთესოს და სწრაფ გამოჯანმრთელებას გისურვებ!
პატივისცემით,
ანდერსი“
