საქართველო, 7 მაისი, საქინფორმი. როგორც ტელევიზიით და Facebook-დან შევიტყვეთ, საქართველოს პრეზიდენტი მიხეილ სააკაშვილი სააღდგომო ლიტურგიას ოჯახთან ერთად გრემის ტაძარში დაესწრო. მიხეილ სააკაშვილმა შეკრებილ მრევლს სიტყვით მიმართა და აღდგომის ბრწყინვალე დღესასწაული მიულოცა.

მაგრამ მას შემდეგ, რაც უშიშროების მდივნის გიგა ბოკერიას მეუღლემ - ჟურნალ „ტაბულას“ მთავარმა რედაქტორმა თამარ ჩერგოლეიშვილმა Facebook-ში თავის გვერდზე 5 მაისს ახალი ფოტოები დადო, საფუძვლიანი ეჭვი გაგვიჩნდა, რომ მიშამ აღდგომის აღნიშვნა თავის ფავორიტ პიანისტ ხატია ბუნიათიშვილთან ერთად ბოკერიას ოჯახში, მეგობრების წრეში გააგრძელა.