საქართველო, 2 მაისი, საქინფორმი. გუშინ პლენარულ სესიაზე საქართველოს პარლამენტმა 91 ხმით 26-ის წინააღმდეგ  "საერთო სასამართლოების შესახებ" კანონპროექტზე პრეზიდენტის ვეტო დაძლია, მანამდე კი კენჭი უყარა ამ კანონპროექტის პრეზიდენტისეულ ვერსიას, რომელმაც მხარდაჭერა ვერ მოიპოვა.  დეპუტატებმა კენჭი უყარეს "ნაფიც მსაჯულთა შესახებ" კანონპროექტსაც, თუმცა მასზე ვეტოს მოსახსნელად ხმების საჭირო რაოდენობა ვერ მოგროვდა.

პარლამენტის მიერ ვეტოდაძლეული კანონპროექტები ხელმოსაწერად საქართველოს პრეზიდენტ მიხეილ სააკაშვილს დაუბრუნდება. თუკი პრეზიდენტი შვიდი დღის ვადაში კვლავ არ მოაწერს ხელს, კანონზე ხელს მოაწერს და გამოაქვეყნებს პარლამენტის თავმჯდომარე.

შეგახსენებთ, რომ 23 აპრილს პრეზიდენტმა მიხეილ სააკაშვილმა პარლამენტის მიერ მიღებულ ორ კანონპროექტს ვეტო დაადო. საქმე ეხება საქართველოს იუსტიციის უმაღლესი საბჭოს დაკომპლექტებას და საბჭოს მოქმედი შემადგენლობისთვის ვადამდე ადრე უფლებამოსილების შეწყვეტას.